爸爸 媽咪
哥哥 emily 馮景楠
2家姐 傑哥
我自己 李壞人 兩隻熊貓 馮鼠鼠 李熊仔
小弟弟
一共14位參加左蚊型遊北海道開心5天團
23 ~ 27 Jan 2010
第一天 23 Jan 2010
 
出發前一日
阿b仲發緊燒
都擔心佢無得去
但係佢病得黎 係非常活躍....... 一上機已經搞呢樣 惦果樣
四個幾小時機程
阿b點會坐定定呢~~
起飛無耐瞓醒
就話要落地地
係條走廊跑黎跑去 
 
到左札幌
一落機就落雪
大家都好興奮
入到市區都天黑
去拉麵橫町食野 
晚餐食帶子拉麵+餃子
 
個拉麵都幾好食
不過好鹹......
 
阿b好熱心咁幫我地搣筷子
搣到唔想停..............
搞到差d要收埋個筷子桶.........  
食完野
係附近行左陣
去超市同便利店買左好多野食
跟住返酒店休息 
阿b都幫自己揀左d野食!! 
一盒唔夠
要兩盒!! 
第二天 24 Jan 2010
去旭川動物園睇企鵝
d企鵝好得意呀~~
有時企鵝行到累
會趴係度用肚腩sir住去 好搞笑~
阿b見到d企鵝係佢身邊行過
話"驚驚" 自從今日睇完企鵝
阿b識得扮企鵝行~~ 
今次旅程
沿途勁多日本人話我地隻熊貓頭套好得意
問係邊度買 幾多錢
日日都有日本人問
好搞笑
小弟弟話早知入多d貨係呢度賣(笑) 
觀光緊既時候
有一群小朋友望住我地
小朋友身邊既大人就問我地係咪中國人
想同我地影相
佢仲講佢叫咩名
叫我地簽個名落佢張紙度
我話我地幾個係一家人
佢呆左 哈哈.... 咁我地就同班小朋友影左幾張合照 
班小朋友好可愛呀!! 
個日本人將自己個名寫係張紙度 
跟住叫我地寫名係張紙度~~~~~~~ 
北極熊好大隻!! 
呢個動物園仲有老虎
一開始隻老虎唔郁 好似假咁
但當佢一步一步行近
阿b話 "好大隻貓貓" 
今日午餐 
阿b又有份食
阿b食完野
又周圍走 搞搞陣 
睇下佢 無停手~~~ 
粟米糖 
呢隻牛奶糖 就咁望好似藥油 
坐纜車上雪山
其實上到黎好大雪
又大風
一開口講野就成口雪...................... 
哥哥話無錢搭纜車
唯有自己爬上黎........(汗) 
出面大風大雪
阿b訓得幾lum~~~~~~~~~ 
阿b係雪地行得好小心翼翼
不過好快又話要daddy抱抱 
自拍大合照 
估唔到連平時好嚴肅既爸爸會同我地影呢d鬼馬相(笑)
鬥出位~~~
跳跳相
叫阿b跳
阿b掛住望地下d雪
晚餐係酒店食buffet
 
 
食左第一round
哥哥同emily話要買d野
叫我同李壞人睇住阿b
因為阿b係餐廳周圍走 跑上跑落
李壞人一路貼身追住佢.....
叫佢唔好坐地下
佢直情想訓係度....
佢好似係度驅趕d靜坐人士咁 哈哈...........
夜晚係酒店房幫阿b搞個生日派對
阿b仲有一個星期就兩歲喇
而家d小朋友係北海道搞生日會....
真係幸福.................
emily仲準備左份生日禮物俾佢心愛既仔仔
阿b好開心~~
呢個北海道睡衣派對有好豐富既食物
北海道毛蟹
蝦同帶子
不過阿b係無份食既.........
 
 
 
 
第三天 25 Jan 2010
食早餐
阿b食飯仔
哥哥同emily帶埋香港個飯煲仔, 米同埋水過黎日本
每朝煮飯仔俾阿b
好厲害!!!!!!! 
呢個小朋友又坐唔定啦
食食下話要落地地
扭計~~
跟住我分散佢注意力
"嘩~~ 阿b件史迪仔衫好靚喎
仲有史迪仔杯杯喎
同史迪仔杯杯影相好唔好呀"
咁阿b又真係望下隻杯
又望下自己件衫
唔記得左喊喇 
食完早餐帶佢周圍行下
阿b拎住個電話唔知講咩~~
出發
上左車阿b訓左
訓得佢幾舒服~~
一個多小時後
架車停一停係中途站
大家落車去下toilet
鼠鼠同熊仔都落車玩下雪 
好凍
我地買左罐暖笠笠既粟米湯就上返車喇
一個小時車程左右
到了登別地獄谷睇溫泉眼 
 ｜
落車後發覺好大雪
塊面好凍
相機都俾雪淋到濕晒
上返車
食返包薯片暖下胃先（笑）
登別時代村
睇左個忍者騷
好無聊......
不過阿b都係走黎走去 搞搞陣
之後去左食雪糕 
玩射箭
個個都話自己係香港玩wii sport resort練射箭好勁
所以係呢度都要較量一下~~~~ 
魚市場
今日lunch食海鮮
我地就係買左呢隻蟹加餸
萬六yen架!!!!!!!!!!! 
呢d蟹 螺 海膽 就係頭先係魚市場自己揀
餐廳係對住太平洋既海岸線
企係呢度好大風 好凍
北海道草莓呀!!!!!!!!!
好好味~~~~~~ 
之後就係去熊牧場餵熊仔 
好大隻熊仔!!
我地買左d蘋果同餅乾餵佢地
佢地見到我地手上有蘋果
就會企起身揮晒手
去酒店check in
我同李壞人戴住熊貓頭套入去
一入去幾個日本人職員圍住我地
係咁話kawaii 又摸我地隻熊貓
又問個熊貓頭套係邊度買 幾多錢
好搞笑
沖個涼 換左浴衣
就落去酒店餐廳食自助餐
 
呢d浴衣照 點解唔見左我同李壞人同小弟弟呢
因為我地三個去左打返場士碌架
收費都唔算太貴
個職員話一個人每小時530yen
咁李壞人同小弟弟兩個人玩都係1060yen
咁好啦
佢地開始玩左一分鐘
發覺有個問題
張波枱...................係斜架................(汗) 咁我就同個職員講張枱有d問題
佢同經埋傾左陣
同我講只係收我地一個人既價錢
即係530yen
咁o唔ok
小弟弟同李壞人諗左陣
就話咁玩埋佢啦
第四天 26 Jan 2010
食完早餐
係酒店出面影相 
尋晚間房就係對住呢個湖
好靚呀!!!
上車!!
去玩雪上電單車~
著好裝備
就要聽教練講點渣雪上電單車
導遊話如果一個女仔一架既話就可能轉彎唔夠力
對於出發前一星期仲拗柴扭傷埋另一隻腳既我
都係坐李壞人車尾啦.......
媽咪同爸爸坐一架
我同李壞人坐一架
哥哥 2家姐 傑哥 小弟弟各一架
淨低emily同阿b無份玩
上左山就停一停 俾我地影下相
其實今日好大雪
要好留心望住前面
有時經過d彎位都有d驚
2家姐話佢一個人轉彎時真係唔夠力
佢話禁左俾油制先轉到彎 >< 好驚險
我地係一架跟一架
唔准爬頭
唔准片車
前後仲有教練夾住
確保安全
上山既時候
途中我地前面果架炒車..
人無咩事 只係訓落d雪度
落山快到終點既時候......
到我地炒.............
因為側邊d雪好高
架電單車一片左上雪
就失平衡訓低左......><
其實唔會痛
只係雪太厚
成個人陷左落d雪度
無人扶係唔會起到身架...(汗) 2家姐都炒左一次
佢話因為佢太慢....
前面d車越走越遠
佢好似成條路得自己一架車咁(笑) 至於哥哥
成日想爬小弟弟頭
俾教練見到就弊.... 
好凍呀!!!!!!!!!!!
又大雪
d腳趾好冰凍呀!!!!!! 
小樽運河
 
呢度好多好精緻既音樂盒
帶阿b入黎行左一圈
發覺唔係好惦
呢個小朋友咩都搞
求其掃低一個櫃都唔係幾好
都係快d帶阿b離開呢間野 
去左食呢度好出名既六層雪糕
要上車喇
雖然落住雪
但都要一路行一路食~~
哥哥又食得衰
淨係撩底果層食
本來李壞人同哥哥係想影張合照
點知就係禁制果刻個雪糕塌左一邊 哈哈............
離開小樽都天黑喇
去狸小路行街
我地兩個去左m記食左個開心樂園餐
好無聊(笑)
之後去左影貼紙相
晚餐食烤肉
d和牛有証書.. 好厲害!!
第五天 27 Jan 2010
食完早餐就去支笏湖觀光一番
呢個係一個唔會結冰既湖 
兩隻熊貓生左隻曳豬仔 
已經溶到唔似樣既龍貓
千歲outlet
呢度有個室內遊樂場
阿b見到開心到~~ 
lunch自費
呢d時候當然係要跟住老細去食野~~~~~~(笑)
係呢度食回転壽司好抵食
一碟三文魚壽司都係100yen!!!!!!!!!!
食完野去便利店掃零食 
跟住搭車去機場
要離開北海道喇~~~~~~~(淚)
總結呢個旅程都好順利 超開心!!!!!!!!
講左幾年話一家人去北海道
終於一償心願
出發前勁緊張
出發前一星期我又拗柴扭傷埋另一隻腳啦
跟住又胃抽筋入埋急症啦..(汗)
出發前三日李壞人又發燒
出發前一日阿b又發燒
搭車去機場又勁check passport啦(笑)
好彩呢個旅程都好順利
全程嘻嘻哈哈就過左一個超開心既假期^^
| 
